श्रावणमास

*विषय - श्रावणमास*

*ऋतुरंग फुलूनी आला मम जीवना*

*आषाढ श्रावण सरी बरसत घना*

*मेघ जमुनी आले या उंच अंबरा*

*कोसळती धरेवर रिमझिम जलधारा.(१)*

*हिरवा शालू परिधान करुनी सजली धरा*

*नवतरूनी नटली जशी भेटण्या वरा*

*नक्षी  इंद्रधनुने तोरण बांधून अशी काढली*

*जणू चित्रकारी  ही अवनीने रेखीली .(२)*

*श्रावणमास हा  मम जीवनी आला* 

*जगण्यास मज बेधुंद करुनी गेला*

*चोहीकडे पसरली ही हिरवी छाया*

*बहरता ऋतुराज मोहरे ही काया.(३)*

*सुगंधित झाली ही अवघी अवनी*

*जणू फोडली कोणी ही अत्तर दाणी*

*किमया कशी ही निसर्गात घडली*

*जादूगाराने छडी ही अशी फिरवली..(४)*

*हर्ष उल्हास हा आज मनी बहरला*

*सण उत्सव आनंद घेऊनी येती घरा*

*सृष्टी नटून थटून आली या भरा*

*श्रावणमासी ऋतुरंग हा जीवनी बहरला..(५)*

*सौ मनिषा  राजन कडव*