चंद्रकलेचे रुप सानुले*
*चंद्रकलेचे रुप सानुले*
चंद्रकलेचे रुप सानुले , नील नभी विलसले
सख्या रे मनात मी हसले --
निळे निळे हे झुलते अंबर
नाचे खाली विशाल सागर
चंद्रबिंब ते नभी हासता , दरिया वर उसळे --
धवल चंद्रीका होती विहरत
अम़ूतस्पर्शे अवनी पुलकित
गंध प्रीतीचा मनी दरवळे , प्रीतीपुष्प उमलले --
आठवणींचे ओघळले सर
तुझे सावळे रुप मनोहर
मोहून गेले, मला न कळले ,अशी कशी मी फसले --
Comments
Post a Comment