कर्तृत्वाचा गौरव, माणुसकीचा वारसा
कर्तृत्वाचा गौरव, माणुसकीचा वारसा एखाद्या व्यक्तीचे मोठेपण केवळ त्याने मिळविलेल्या पदांमध्ये, पुरस्कारांमध्ये किंवा लौकिकात मोजता येत नाही. त्या व्यक्तीच्या कर्तृत्वाचा समाजावर किती सकारात्मक परिणाम झाला, किती माणसे त्याने घडविली आणि पुढील पिढीला कोणती मूल्ये दिली, यावर त्याचे खरे मोठेपण ठरते. या अर्थाने ‘मा. दादासाहेब एन. के. नारखेडे गौरव ग्रंथ’ हा केवळ एका व्यक्तीच्या गौरवाची नोंद करणारा ग्रंथ न राहता शिक्षण, तंत्रज्ञान, सामाजिक बांधिलकी, माणुसकी आणि सतत कार्यरत राहण्याच्या वृत्तीचा प्रेरणादायी दस्तऐवज ठरतो. दादासाहेबांच्या अमृत महोत्सवानिमित्त प्रकाशित झालेला हा गौरवग्रंथ त्यांच्या बहुआयामी जीवनकार्याचा वेध घेतो. विविध सहकारी, विद्यार्थी, मित्र, परिचित आणि त्यांच्या कार्याशी संबंधित व्यक्तींनी व्यक्त केलेली मनोगते, आठवणी, लेख, कविता तसेच छायाचित्रे यांच्या माध्यमातून दादासाहेबांचे व्यक्तिमत्त्व अनेक अंगांनी वाचकांसमोर उभे राहते. त्यामुळे हा ग्रंथ पारंपरिक अर्थाने केवळ चरित्र नसून एका व्यक्तीच्या कार्यातून निर्माण झालेल्या सामूहिक स्मृतींचे जतन करणारा लेखसंग्रह आहे. या ग्रंथाचे सर्वा...
